У Віцебску, як і ва ўсёй краіне, 12 лістапада а 10-й раніцы адчыніліся ўчасткі для датэрміновага галасаваньня на выбарах дэпутатаў у ніжнюю палату беларускага парлямэнту. «Віцебская Вясна» паназірала, як стартавала галасаваньне на тыповым участку №4 Віцебскай-Чыгуначнай выбарчай акругі №19.

Апублікавана ў Выбары

Агітацыйныя мерапрыемствы праходзяць у Віцебску пры поўным дамінаваньні кандыдатаў, якіх мясцовыя назіральнікі называюць «праўладнымі». Іх жа канкурэнтам выносяць папярэджаньні і ніяк не спрыяюць у арганізацыі сустрэч з выбаршчыкамі. Яшчэ адна тэндэнцыя: актвізаваўся БРСМ…

Апублікавана ў Выбары

Толькі 21 з 28 прэтэндэнтаў на дэпутацкі мандат ад Віцебска засталіся ў перадвыбарчай гонцы. Кожны чацьверты апынуўся па-за гульнёй. Гэткі стан рэчаў назіраецца пасьля разгляду Віцебскай абласной выбарчай камісіяй і Віцебскім абласным судом скаргаў аб нерэгістрацыі прэтэндэнтаў.

Апублікавана ў Выбары

У межах кампаніі “Права выбару” ў Віцебску праходзяць трэнінгі для ахвотных стаць незалежнымі назіральнікамі на выбарчых участках. На дзьве віцебскія акругі – Чкалаўскую і Горкаўскую – каардынатары кампаніі мяркуюць падрыхтаваць больш за 140 назіральнікаў. Парлямэнцкія выбары ў Беларусі адбудуцца сёлета 17 лістапада.

Апублікавана ў Выбары

Увечары 16 кастрычніка на паседжаньні выбарчай камісіі Віцебскай Чыгуначнай акругі №19 былі зарэгістраваныя 7 кандыдатаў у дэпутаты, то бок усе, хто падаваў дакумэнты на рэгістрацыю і выказаў жаданьне пазмагацца за дэпутацкае месца ў беларускім парлямэнце.

Апублікавана ў Выбары

12 кастрычніка ў будынку Віцебскага аблвыканкаму адбылося паседжаньне Віцебскай абласной выбарчай камісіі (ВАВК). На ім прысутнічала 11 сябраў камісіі і 7 назіральнікаў, у тым ліку двое інвалідаў-вазочнікаў. Камісія працавала 4 гадзіны, але больш за палову гэтага часу пайшло на разбор дзейнасьці сябра выбаркаму і праваабаронцы Паўла Левінава…

Апублікавана ў Выбары

У чацьвер 2 кастрычніка віцебскія раённыя адміністрацыі сфармавалі ўчастковыя выбарчыя камісіі. Прадстаўніцтва апазыцыйных палітычных аб’яднаньняў ва ўчастковых камісіях у межах Кастрычніцкага раёну Віцебску роўнае нулю.

Апублікавана ў Выбары

Палітычныя партыі, якія, па лёгіцы, мусяць быць авангардам перадвыбарчай гонкі, паводзяць сябе так, быццам аніякай выбарчай кампаніі няма ўвогуле. Магчыма, яны чакаюць рэгістрацыі сваіх прадстаўнікоў праз партыйныя зьезды, каб потым прадэманстраваць выбаршчыкам выбітны прапагандысцкі крэатыў...

Апублікавана ў Выбары

30 сакавіка ў віцебскім «Эўрапейскім клюбе» сабралася некалькі дзясяткаў актывістаў з абласнога цэнтру і Воршы, якія бралі ўдзел у нядаўняй выбарчай кампаніі. У сустрэчы ўдзельнічалі незалежныя назіральнікі, каардынатары кампаніі «Права выбару», якая арганізавала маніторынг назіраньня па ўсёй краіне, прадстаўнікі палітычных партыяў і былыя дэмакратычныя кандыдаты ў дэпутаты мясцовых саветаў.

Апублікавана ў Выбары

У Воршы ў дзень асноўнага галасаваньня выбарчыя камісіі з мэтай забесьпячэньня яўкі робяць стаўку на галасаваньне на даму. У сьпісах некаторых УВК колькасьць выбаршчыкаў, прагаласаваўшых на даму, удвая перавышае колькасьць тых, хто прыйшоў галасаваць на ўчастак. Сябры камісіяў зь пераноснымі скрынямі для галасаваньня заяўляюцца да выбаршчыкаў, якія іх пра гэта не прасілі, і пазбаўляюцца ад пільных назіральнікаў ад апазыцыі.

Апублікавана ў Выбары