Рух “За свабоду” правёў 22 верасьня ў Віцебску абласны сход. Удзельнікі абмеркавалі бягучую палітычную сытуацыю напярэдадні парлямэнцкіх выбараў, абралі дэлегатаў на менскі зьезд.

Апублікавана ў Выбары

16 жніўня ў канфэрэнц-залі віцебскага гатэлю «Лучоса» прайшлі дзьве панэльныя дыскусіі з удзелам мясцовых і менскіх сьпікераў ад апазыцыйных партыяў. Тэма: «Як вярнуць выбарцу права выбару». У ролі мадэратара сустрэчы выступіў былы старшыня АГП Анатоль Лябедзька.

Апублікавана ў Выбары

Віцебскія сябры дэмакратычных партыяў акрэсьлілі супольны плян дзеяньняў. Праведзеная 18 ліпеня сустрэча папярэднічала заплянаванаму на жнівень кругламу сталу, тэмай якога стане ўзгадненьне дакумэнту па ўнясеньні зьменаў і дапаўненьняў у Выбарчы кодэкс.

Апублікавана ў Выбары

Круглы стол, які адбыўся 16 чэрвеня, быў прысьвечаны абмеркаваньню распрацаванага спэцыялістамі правай кааліцыі праекту Закону «Аб унясеньні зьменаў у Выбарчы кодэкс».

Апублікавана ў Выбары

Цэнтральная камісія Рэспублікі Беларусь па выбарах і правядзеньні рэспубліканскіх рэфэрэндумаў адмовіла праваабаронцу Леаніду Сьвеціку ў разглядзе дзесяці яго прапаноў па ўдасканаленьні выбарчых працэдур, забесьпячэньні адкрытасьці галасаваньня і падліку галасоў. Прычым усе прапанаваныя ім зьмены, паводле сьцьверджаньня праваабаронцы, не патрабуюць унясеньня зьменаў у дзейны Выбарчы кодэкс краіны.

Апублікавана ў Праваабаронцы

У выбарчай кампаніі Гарадоцкага райсавету 27 скліканьня выпраўленае парушэньне выбарчага заканадаўства аб утварэньні выбарчых акругаў, зь якім жылі дэпутаты райсавету амаль чатыры гады. Пад час ранейшай кампаніі 2010 году ў Гарадоцкім райсавеце было ўтворана 18 акругаў, памеры якіх па колькасьці выбаршчыкаў парушалі Выбарчы кодэкс Рэспублікі Беларусь.

Апублікавана ў Выбары

Паводле зьвестак, распаўсюджаных у СМІ, на чарговай сэсіі дэпутатамі Палаты прадстаўнікоў Нацыянальнага сходу Рэспублікі Беларусь будуць разгледжаныя папраўкі ў Выбарчы і Адміністрацыйны кодэксы Рэспублікі Беларусь. Згодна з наяўнай інфармацыяй, будзе забароненая агітацыя за байкот выбараў, а за ажыццяўленне такой агітацыі будуць прадугледжаныя адміністрацыйныя санкцыі. У сувязі з гэтым ў Камісію па заканадаўстве Палаты прадстаўнікоў зьвярнуўся старшыня Віцебскай абласной рады партыі БНФ Леанід Аўтухоў.

Апублікавана ў Выбары

Старшыня пастаяннай камісіі па дзяржаўным будаўніцтве, мясцовым самакіраваньні і рэглямэнце Палаты прадстаўнікоў Нацыянальнага сходу Аляксандар Зазуля ад імя дэпутатаў – сябраў камісіі падзякаваў Леаніду Сьвеціку за праяўленую ім ініцыятыву і актыўную жыцьцёвую пазыцыю. У цяперашні час ідзе падрыхтоўка законапраекту «Аб унясеньні зьменаў у Выбарчы Кодэкс Рэспублікі Беларусь», і праваабаронца накіроўваў у парлямэнт прапанову аб тым, якія зьмены, на яго думку, варта зрабіць.

Апублікавана ў Дзяржава

Праваабаронца Леанід Сьвецік зьвяртаўся ў Цэнтральную выбарчую камісію з прапановай аб унясеньні зьменаў у выбарчы кодэкс. У прыватнасьці, ён прасіў дадаць у артыкул 11 выбарчага кодэксу азначэньне дзяржаўна-прававога статусу выбарчых камісіяў – у дзеючай цяпер рэдакцыі кодэксу такога азначэньня няма. Надоечы быў атрыманы адказ на прапанову: Лідзія Ярмошына паведаміла праваабаронцу, што ягоны зварот пакінуты без разгляду па сутнасьці.

Апублікавана ў Выбары