У нядзелю 15 сьнежня ў Віцебскай абласной бібліятэцы прайшла доўгачаканая сустрэча зь беларускім паэтам Алесем Разанавым. Ляўрэата шматлікіх нацыянальных і міжнародных літаратурных прэмій, ганаровага доктара ЭГУ, сябра Саюзу беларускіх пісьменьнікаў і Саюзу пісьменьнікаў Літвы Алеся Разанава віталі ў залі гучнымі аплядысмэнтамі.

У Віцебскай абласной бібліятэцы імя Леніна 28-га лістапада прайшла сустрэча з вядомым эканамістам, аналітыкам і кіраўніком цэнтру Мізэса Яраславам Раманчуком. Тэма выступленьня – «Канкурэнтаздольнасьць у сучасным сьвеце: чалавек, бізнэс, краіна». Заля была цалкам запоўненая.

“Канцэрт Віктара Каліны ў залі філярмоніі на сёлета не заплянаваны”, – такі адказ з Віцебскай абласной філярмоніі атрымала на свой электронны зварот актывістка БХД Тацяна Севярынец. Ці выступіць Каліна на якой іншай пляцоўцы ў Віцебску, пакуль невядома.

Актывістка БХД Тацяна Севярынец абскардзіла адказ Віцебскага аблвыканкаму на калектыўны зварот аб перайменаваньні віцебскай “ленінкі” ў бібліятэку імя Васіля Быкава. Просіць міністэрства паспрыяць у вырашэньні гэтага пытаньня. Нагадаем, Віцебскі аблвыканкам адмовіўся нават разглядаць прапанову – праз “адсутнасьць адзінага падыходу”.

Сустрэча з загадчыцай літаратурнай часткі Беларускага тэатру «Лялька» і сябрам Саюзу беларускіх пісьменьнікаў адбылася ў абласной бібліятэцы ў межах праекту «Чалавек Слова», які рэалізуе бібліятэка на сталай аснове, запрашаючы да сябе ў госьці розных творчых асобаў.

Актывісты аргкамітэту па стварэньні партыі «Беларуская хрысьціянская дэмакратыя» ініцыявалі збор подпісаў за перайменаваньне Віцебскай абласной бібліятэкі імя Леніна ў гонар пісьменьніка Васіля Быкава. Карэспандэнт ВВ сустрэўся зь імі ў бібліятэцы падчас непасрэднай працы – ішоў бойкі працэс збору подпісаў.

У Віцебскай абласной бібліятэцы 8 сьнежня прайшла традыцыйная перадкалядная вечарына “Ціхая ноч, Сьвятая ноч”. Як і летась, у імпрэзе браў удзел біскуп Віцебскі Алег Буткевіч. Яго Эксэленцыя зноў узяўся за гітару і атрымаў у выніку шмат гарачых аплядысмэнтаў.

Вядомы беларускі пісьменьнік Уладзімер Арлоў наведаў 25 верасьня Віцебск, дзе прэзэнтаваў чытачам свае новыя кнігі – “Паручнік Пятровіч і прапаршчык Здань” і “Танцы над горадам”. Сустрэчы адбыліся ў Віцебскай абласной бібліятэцы і арт-пабе “Торвальд”.

Старшыня Віцебскай абласной арганізацыі Беларускага саюзу мастакоў Сьвятлана Баранкоўская прэзэнтавала ў абласной бібліятэцы першую ў сваім жыцьці пэрсанальную выставу жывапісу – “Нечаканае”. Яе габэлены ведаюць усе, пра жывапіс – толькі здагадваліся. Добрая неспадзяванка!

На інтэрнэт-пляцоўцы “Зручны горад” 1 красавіка пачаўся збор подпісаў за перайменаваньне Віцебскай абласной бібліятэкі імя Леніна ў бібліятэку імя Францішка Скарыны.