Суд Чыгуначнага раёну Віцебску працягнуў разгляд адміністрацыйных справаў, распачатых супраць удзельнікаў пікету на плошчы Перамогі. 17 студзеня судзьдзя Юры Урбан аштрафаваў віцяблян Уладзімера Кійко і Міколу Качурца на 1350 рублёў кожнага.

Апублікавана ў Суд

Акцыя ў падтрымку незалежнасьці Беларусі адбылася ў Віцебску 29 сьнежня 2019 году. Цяпер на ўдзельнікаў пікету складаюць адміністрацыйныя пратаколы паводле арт. 23.34 (парушэньне парадку арганізацыі альбо правядзеньня масавых мерапрыемстваў). Даты некалькіх судоў ужо вядомыя.

10 сьнежня 1948 году Генэральная Асамблея ААН зацьвердзіла і абвясьціла Ўсеагульную дэклярацыю правоў чалавека. Віцебскія праваабаронцы традыцыйна адзначылі гэтую дату бясплатнай раздачай спэцнумару газэты «Народная воля», якая выйшла ў гэты дзень з укладкай «Бараніць правы можа кожны!»

Апублікавана ў Праваабаронцы

Актывісты «Народнай Грамады» атрымалі забарону на правядзеньне агітацыйных пікетаў у Віцебску ўжо пасьля таго, як гэтыя пікеты правялі. Аб іх правядзеньні паведамлялі ў адміністрацыю Чыгуначнага раёну яшчэ 24 кастрычніка, адказ з адмовай атрымалі ажно 4 лістапада…

Апублікавана ў Выбары

У цэнтры Віцебску 27 кастрычніка прайшла акцыя ў падтрымку беларускіх палітвязьняў і ўсіх нявінна асуджаных грамадзян. Яна адбылася ў межах агітацыйнага перадвыбарчага пікету кандыдата ў дэпутаты Уладзімера Арцымана. Падобныя пікеты ладзіліся адначасна ў іншых гарадах Беларусі – у Менску, Горадні, Маладэчне, Гомлі, Берасьці...

Апублікавана ў Выбары

У цэнтры гораду, каля гандлёвага цэнтру “Кантынэнт”, 10 верасьня адбыўся першы перадвыбарчы пікет пад бел-чырвона-белым сьцягам. Подпісы зьбіралі за вылучэньне ў якасьці кандыдатаў у дэпутаты адразу чатырох віцяблян. За дзьве гадзіны падпісаліся некалькі дзясяткаў чалавек.

Апублікавана ў Выбары

Судзьдзя Кастрычніцкага суду Віцебску Ільля Белавус у пастанове, якую склаў на актывіста Уладзімера Кійко, памылкова ўказаў, што той меў раней адміністрацыйныя спагнаньні. Як палічыў праваабаронца Павал Левінаў гэтым самым Белавус замахнуўся на гонар і годнасьць грамадзяніна і папрасіў Вярхоўны суд разгледзець пытаньне аб прафпрыдатнасьці судзьдзі.

Апублікавана ў Праваабаронцы

Тры тыдні таму віцябляне Уладзімер Кійко, Яраслаў Кійко і Мікола Качурэц былі аштрафаваныя судом Кастрычніцкага раёну Віцебску на 102 рублі кожны за фатаграфаваньне на Дзень Волі зь бел-чырвона-белым сьцягам (ч.1. арт. 23.34 КаАП РБ). Ня згодныя з такімі рашэньнямі, актывісты абскардзілі іх у абласным судзе.

Апублікавана ў Суд

Праваабаронца Павал Левінаў прасіў Вярхоўны суд разгледзець пытаньне аб прафэсійнай прыдатнасьці віцебскага судзьдзі Ільлі Белавуса (суд Кастрычніцкага раёну), які нарабіў шмат памылак і хібаў у адной з пастановаў па адміністрацыйнай справе. Віцебскі аблсуд паабяцаў, што парушэньні судзьдзі адаб’юцца ня ягонай прэміі.

Апублікавана ў Праваабаронцы

У судзе Кастрычніцкага раёну Віцебску 11 красавіка разглядаліся адміністрацыйныя справы ў дачыненьні Міколы Качурца і братоў Уладзімера і Яраслава Кійко. Тры розныя судзьдзі сінхронна пакаралі кожнага з актывістаў штрафам у памеры 4 базавых велічыняў – за фатаграфаваньне зь бел-чырвона-белымі сьцягамі.

Апублікавана ў Суд