Віцебскага праваабаронцу Паўла Левінава падазраюць у фінансаванні пратэставай дзейнасці. Такую выснову зрабіла актывістка Таццяна Севярынец, якую выклікалі ў Следчы камітэт, піша Беларускае Радыё Рацыя.

Апублікавана ў Праваабаронцы

1 ліпеня ў Віцебску прайшла ператрусы ў віцебскіх актывістак Таццяны Севярынец, Людмілы Камінскай і Тамары Ільіной. Яны былі фігуранткамі так званай справы «лясных фей». Ператрусы праводзілі супрацоўнікі аддзялення па наркакантролю і супрацьдзеянні гандлю людзьмі Чыгуначнага РАУС. У маці палітвязня Паўла Севярынца Таццяны забралі кнігі, бел-чырвона-белы парасон і некалькі нацыянальных сцяжкоў.

Апублікавана ў Рознае

Чыноўнікі вызначыліся з назвамі трох новых вуліц у мікрараёне Чаромушкі ў Віцебску. Гэта будуць вуліцы навукоўца Жарэса Алфёрава, мастака Міхаіла Савіцкага і імя газеты «Віцьбічы». Адпаведнае рашэнне было апублікаванае 14 чэрвеня на прававым партале pravo.by. Вуліцы Васіля Быкава ў Чаромушках не будзе.

Апублікавана ў Культурныя правы

14 чэрвеня судовая калегія ў грамадзянскіх справах Віцебскага абласнога суду разгледзела скаргу шасці віцяблянак на дзеянні намесніка начальніка Першамайскага РАУС Івана Доўгага. Жанчыны былі затрыманыя 13 студзеня за «пікет у лесе» і беспадстаўна кінутыя ў ізалятар. Судаводства па скарзе «лясных фей» (так іх пачалі называць у інтэрнэце) спыненае: калегія пастанавіла, што справа не падлягае разгляду ў грамадзянскім судзе.

Апублікавана ў Суд

Старшыня Магілёўскага абласнога суду Ігар Прошка не задаволіў просьбу сваякоў палітыка Паўла Севярынца аб разглядзе ягонай крымінальнай справы ў адкрытым фармаце. Пра гэта паведаміла маці апазіцыйнага палітыка Таццяна Севярынец.

Апублікавана ў Суд

Маці палітвязня Паўла Севярынца, які больш за 10 месяцаў знаходзіцца за кратамі, падзялілася, пра што піша сын у сваіх лістах да яе і бацькі. Па словах Таццяны Севярынец, яна атрымала ад Паўла 75 лістоў. Ён не падае духам: піша кнігу, посціць і прапаведуе ў камеры. 

Апублікавана ў Палітвязьні

На пачатку 2021 году Камітэт па правах чалавека ААН зарэгістраваў пад нумарам 3820/2020 індывідуальную скаргу Таццяны Севярынец. Грамадская актывістка лічыць, што беларускай дзяржавай было парушанае яе права на ўдзел у масавых мерапрыемствах.

Апублікавана ў КПЧ ААН

У судзе Першамайскага раёну Віцебску адбыўся грамадзянскі працэс, ініцыяваны шасцю жанчынамі, якіх затрымалі ў лесе пад Віцебскам 13 студзеня і абвінавацілі ва ўдзеле ў несанкцыянаваным пікетаванні. 8 гадзін іх трымалі ў пастарунку без ежы і магчымасці прыняць лекі, хоць чацвёра затрыманых жанчын ужо ў сталым веку. А на ноч да суду кінулі ў ІЧУ. Але суды ў выніку адмянілі іх справы, і жанчыны падалі пазовы на незаконныя дзеянні міліцыі, паведамляе Беларускае Радыё Рацыя.

Апублікавана ў Суд

Віцебскі абласны суд 10 лютага разгледзеў пратэст на той момант выканаўцы абавязкаў пракурора гораду Віцебску Кірыла Дубава, які прасіў адмяніць рашэнні судоў Першамайскага і Кастрычніцкага раёнаў у дачыненні да Таццяны Севярынец, Алены Касновай, Раісы Кухто, Людмілы Камінскай і Людмілы Валадкевіч. Абласны суд пратэст не задаволіў.

Апублікавана ў Суд

Выканаўца абавязкаў пракурора гораду Віцебску Кірыл Дубаў прынёс пратэст на рашэнне суду Першамайскага раёну, які 19 студзеня спыніў адміністрацыйную справу ў дачыненні Таццяны Севярынец і Алены Касновай. Іх вінавацілі ва ўдзеле ў несанкцыянаваным пікетаванні ў лесе пад Віцебскам. Суддзя Вераніка Барысава скасавала тую справу праз недаказанасць віны.