Эканамічны суд Віцебскай вобласьці 30 жніўня пачаў конкурсную вытворчасьць па справе аб банкруцтве Полацкага раённага спажывецкага таварыства. Працэдура банкруцтва была ініцыяваная самім даўжніком, паведамляюць «Народныя навіны Віцебску».

Апублікавана ў Суд

Ужо дзявяты год запар летнік для дзяцей з асаблівасьцямі псыха-фізычнага разьвіцьця ладзяць у Полацку прадстаўнікі Хрысьціянскага валянтэрскага руху сьв. Мікалая. З 13 па 19 жніўня два дзясяткі хлопчыкаў і дзяўчынак, якія прыехалі ў асноўным зь Віцебску, удзельнічалі ў розных гульнях, конкурсах і віктарынах, а таксама ў супольнай малітве. Летнік праходзіў на ўскраіне гораду ў прыватнай хаце пры Беларускай грэка-каталіцкай царкве.

Апублікавана ў Правы дзіцяці

Зь 1 верасьня зноў падвышаюцца кошты на навучаньне ў вышэйшых навучальных установах для студэнтаў-платнікаў. Гэтак, віцебскія ВНУ падвысілі гадавы кошт навучаньня ў сярэднім на 300-400 рублёў.

Апублікавана ў Дзяржава

Ніякіх радыкальных перамен і забаронаў “фанэры” не чакаецца. Але першая намесьніца міністра культуры Ірына Дрыга паабяцала аўтарам пэтыцыі “За жывы гук” “узмацніць кантроль” і разабрацца з сытуацыяй, якая склалася на  фэстывалі нацыянальных культур. Пры выкарыстаньне фанаграм на канцэртах “Славянскага Базару” ў Віцебску – ані слова.

Апублікавана ў Культурныя правы

Судовыя выканаўцы 18 ліпеня арыштавалі частку маёмасьці Свабоднага прафсаюзу Беларускага з офіса першаснай арганізацыі працоўных заводу “Полацак-Шкловалакно”. Патрабаваньні да прафсаюзу выстаўленыя адміністрацыяй прадпрыемства і зьвязаныя зь вяртаньнем судовай пошліны за разгляд справы пра забарону страйку. Арыштаваная і забраная маёмасьць ацэненая ў 85 рублёў.

Апублікавана ў Правы працоўных

Часовы павераны ў справах Каралеўства Нідэрляндаў у Рэспубліцы Беларусь спадар Паўл ван Oоствэйн працягвае падарожнічаць па Віцебшчыне. 18 ліпеня дыплямат сустрэўся з полацкімі прафсаюзнымі актывістамі Віктарам Стукавым і Міколам Шарахам.

Апублікавана ў Рознае

Пазоўную заяву Алены Палаўчэні наконт выплаты кампэнсацыі за атрыманае прафзахворваньне на ААТ «Полацак-Шкловалакно» суд гораду Полацку пачаў разглядаць тры месяцы таму. 5 ліпеня было прынятае чарговае рашэньне пра прыпыненьне працэсу:  жанчыне прапанавана нанова прайсьці мэдычны агляд. Працаўніца зьбіраецца абскарджваць гэтае рашэньне, вынесенае судзьдзёй Ірынай Даротка.

Апублікавана ў Правы працоўных

За месяц да адкрыцьця “Славянскага базару ў Віцебску” ў інтэрнэце зьявілася пэтыцыя “За жывы гук”. Яе аўтары заклікаюць унесьці зьмены ў заканадаўства Беларусі, каб забараніць выкарыстаньне “фанаграмаў гукавога запісу на ўсіх культурных мерапрыемствах падчас музычных выступаў”. “Выступаюць яны – сорамна нам”, – сьцьвярджаюць аўтары.

Апублікавана ў Культурныя правы

Такую пастанову вынес полацкі судзьдзя Віталь Лапко 4 траўня ў дачыненьні да прафсаюзнага актывіста, журналіста і праваабаронцы Віктара Стукава.

У Полацку міліцыя абвінаваціла прафсаюзнага актывіста Віктара Стукава ў парушэньні ўказу прэзыдэнта аб валютных апэрацыях: ён нібыта атрымаў ад нейкага грамадзяніна расейскія рублі за юрыдычную кансультацыю па працоўных пытаньнях. Яму ўручаная позва ў суд. Сябры прафсаюзу ўспрымаюць здарэньне як правакацыю супраць арганізацыі рабочых.