Падсумоўваючы вынікі мінулага году, рэдакцыя самага ўплывовага праваабарончага інтэрнэт-рэсурсу Віцебскай вобласьці адзначыла заслугі як асобных актывістаў, гэтак і арганізацыяў ды грамадзянскіх ініцыятываў у прасоўваньні і абароне правоў чалавека ў рэгіёне.

З 8 па 10 лістапада на пляцоўцы бітл-клюбу «Паддашак» праходзіў фэстываль дакумэнтальнага кіно Watсh Docs, прысьвечаны правам чалавека. Гэта ўжо другі такі фэстываль у Віцебску, першы адбыўся ў кастрычніку 2017 году.

Цягам шасьці дзён у Віцебску ў бітлз-клюбе «Паддашак» у межах міжнароднага фэстывалю зялёнага дакумэнтальнага кіно «ЭкаКубак» праходзілі бясплатныя паказы фільмаў.

У віцебскім “Бітлз-клюбе” 5 кастрычніка адбыўся фэст “Рок за жыцьцё”. Імпрэза распачала Тыдзень супраць сьмяротнага пакараньня, які ад 5 да 10 кастрычніка праходзіць у Беларусі. Ідэю ўвядзеньня мараторыя на сьмяротную кару падтрымалі сваімі выступамі і песьнямі ў Віцебску вядомыя беларускія гурты  Teleport, Re1ikt. РСП (“Разьбітае сэрца пацана”) і NIZKIZ.

У віцебскай навукова-тэхнічнай бібліятэцы адбылася адкрытая дыскусія «Публічныя прасторы Віцебску» з сэрыі сустрэч, што супольна праводзяць YMCA Віцебск, Рэгіянальны рэсурсны цэнтар разьвіцьця дадатковай адукацыі дарослых у Віцебску і сацыяльна-культурная ўстанова «Віцебск для мяне».

З імклівым разьвіцьцём сеткі інтэрнэт і кампутарных тэхналёгіяў пытаньні, зьвязаныя з інфармацыйнай бясьпекай, правам людзей на прыватнасьць і юрыдычнымі нормамі, што рэгулююць гэтую сфэру, становіцца ўсё больш актуальнымі. Менавіта гэтым праблемам і быў прысьвечаны трэнінг «Лікбез па лічбавых свабодах», які прайшоў у Віцебску.