«Юрыдычна зацікаўленым у выніках справы асобам прапануецца браць удзел у разглядзе справаў дыстанцыйна», – пра гэта паведаміў першы намесьнік старшыні Віцебскага абласнога суду Анатоль Фаменка на запыт праваабаронцы Паўла Левінава. У сваім звароце ён пытаўся, якія захады зрабіла кіраўніцтва аблсуду, каб засьцерагчы здароўе і жыцьцё наведнікаў і супрацоўнікаў.

Апублікавана ў Суд

20 сакавіка ў судзе Чыгуначнага раёну Віцебску на папярэднім судовым паседжаньні разглядалася скарга прызыўніка Андрэя Крычаўцова. Прадстаўнікі ваенкамату і Віцебскага гарвыканкаму на суд не прыйшлі. Наступнае паседжаньне прызначанае на 31 сакавіка, паведамляе Беларуская праўда.

Апублікавана ў Суд

Віцебскі праваабаронца Павал Левінаў патрабуе ад Міністэрства ўнутраных спраў (МУС) узмацніць меры бясьпекі ў месцах пазбаўленьня волі ў сувязі з рапаўсюдам каронавірусу. Сярод патрабаваньняў – прыпыніць выкананьне адміністрацыйных арыштаў, а таксама – вызваленьне непаўналетніх і пажылых зьняволеных, наогул тых, хто не пагражае грамадзкай бясьпецы.

Апублікавана ў Праваабаронцы

Простае таварыства «Грамадзкі камітэт упаўнаважаных па правах чалавека «Правы для ўсіх» просіць уключыць праваабаронцу Паўла Левінава ў склад Віцебскай абласной грамадзкай назіральнай камісіі. Ягоную кандыдатуру таварыства зацьвердзіла 9 сакавіка 2020 году.

Апублікавана ў Пэнітэнцыярная сыстэма

У пятніцу 13 сакавіка адбылася сустрэча амбасадаркі Вялікабрытаніі ў Беларусі Жаклін Пэркінс зь віцебскімі праваабаронцамі Леанідам Сьвецікам і Паўлам Левінавым. Сустрэча ладзілася з ініцыятывы амбасадаркі Яе Вялікасьці.

Апублікавана ў Праваабаронцы

4 сакавіка ў межах двухдзённага візыту ў Віцебск Часовы павераны ў справах Каралеўства Нідэрлянды ў Рэспубліцы Беларусь спадар Хэнрыкус Ёханэс ван Оостэрхаўт сустрэўся з праваабаронцамі Паўлам Левінавым і Леанідам Сьвецікам, а таксама з журналісткай і сябрам БАЖ Аленай Сьцяпанавай.

Апублікавана ў Рознае

Віцебскія праваабаронцы Павал Левінаў і Леанід Сьвецік зьвярнуліся з просьбай да адміністрацыі СІЗА №2 даць ім кароткатэрміновае спатканьне з палітвязьнем Міхаілам Жамчужным, а таксама дазволіць зрабіць для яго перадачу і пералічыць на ягоны асабісты рахунак сродкі. Праваабаронцам далі дазвол толькі на пералік грошай.

Апублікавана ў Палітвязьні

У сераду 26 лютага Віцебск з афіцыйным візытам наведала амбасадарка Швэцыі ў Беларусі Крысьціна Юханэсан. Разам зь першым сакратаром дыппрадстаўніцтва Конрадам Рыкардсанам яны наведалі шэраг прадпрыемстваў і ўстановаў гораду, зрабілі візыты да гарадзкіх і абласных органаў ўлады і асобна сустрэліся зь віцебскімі праваабаронцамі Паўлам Левінавым і Леанідам Сьвецікам.

Апублікавана ў Праваабаронцы

19 лютага адбылося другое пасяджэньне суда па адміністрацыйнай справе журналіста з Глыбокага Зьмітра Лупача. Яго вінавацілі ў парушэньні Закону аб СМІ за супрацу з тэлеканалам «Белсат». У выніку Глыбоцкі раённы суд вынес пастанову аб спыненьні справы ў сувязі з недаказанасьцю, паведамляе служба маніторынгу «Беларускай асацыяцыі журналістаў»

Апублікавана ў Суд

Праваабаронца і сябра простага таварыства «Правы для ўсіх» Павал Левінаў зьвярнуўся ў Віцебскі абласны Савет дэпутатаў па фінансавую дапамогу і падтрымку ў справе абароны правоў чалавека ў рэгіёне. Старшыня аблсавету Уладзімер Цярэнцьеў у грашовай дапамозе адмовіў, але паабяцаў «разглядаць канструктыўныя прапановы».

Апублікавана ў Праваабаронцы