У апошнім па часе лісьце да віцебскіх праваабаронцаў палітвязень Міхаіл Жамчужны выказвае меркаваньне, што грамадзтва губляе цікавасьць да яго. Моцная плынь карэспандэнцыі, якую атрымліваў годам раней, ператварылася ў рэдкія лісты. Жамчужны зьвязвае гэта з электаральнай кампаніяй, якая праходзіла ў Беларусі.

23 сьнежня адміністрацыя папраўчай калёніі №9 (г. Горкі Магілёўскай вобласьці) зноў зьмесьціць палітвязьня Міхаіла Жамчужнага ў штрафны ізалятар. Пра гэта палітвязень паведаміў у лісьце віцебскаму праваабаронцу Леаніду Сьвеціку.

У сваім апошнім лісьце, які атрымалі ад палітвязьня Міхаіла Жамчужнага віцебскія праваабаронцы, ён паведамляе аб прынцыповай немагчымасьці кароткіх сустрэчаў зь ім калегаў-праваабаронцаў – праз забароны і дыскрымінацыйныя ўмовы, створаныя ў калёніі.

Палітвязень Міхаіл Жамчужны правядзе бліжэйшыя 2-3 месяцы ў штрафным ізалятары (ШІЗА). Пра гэта “Віцебскай вясьне” паведаміў праваабаронца Леанід Сьвецік, які атрымаў нядаўна ліст ад палітвязьня.

Віцебскі праваабаронца Леанід Сьвецік атрымаў адмову ад адміністрацыі папраўчай калёніі №9 у Горках на сваю просьбу аб кароткачасовым спатканьні з палітвязьнем Міхаілам Жамчужным. Спатканьне не даюць, бо Жамчужны “ня мае ніякіх выключных абставінаў для яго атрыманьня”.

Пасьля таго як палітвязень Міхаіл Жамчужны 70 сутак правёў у ШІЗА, адміністрацыя папраўчай калёніі №9 перавяла яго на адзін месяц у памяшканьне камэрнага тыпу (ПКТ). У штрафным ізалятары ён дапісваў манаграфію і змагаўся за сваё здароўе. Пра гэта паведаміў у лісьце віцебскім праваабаронцам.

14 жніўня дзень народзінаў адзначыць адзіны ў Беларусі палітвязень Міхаіл Жамчужны. У гэты дзень яму споўніцца 64 гады. Пяць гадоў таму, 19 жніўня, ён быў затрыманы і асуджаны на 6,5 гадоў пазбаўленьня волі…

Амэрыканскія беларусы выказваюць неабыякавасьць да лёсу палітвязьня Міхаіла Жамчужнага. Яны патрабуюць ад беларускіх уладаў неадкладнага і безумоўнага вызваленьня Жамчужнага, ладзяць у яго падтрымку маніфэстацыі, пішуць зьняволенаму суайчыньніку лісты і паштоўкі.

“21 траўня завяршыўся 3-месячны ПКТ. Наперадзе – 2-3 месяцы ШІЗА, таму перапіска можа ўскладніцца”, – піша з горацкай калёніі №9 віцебскім праваабаронцам палітвязень Міхаіл Жамчужны.

Пасьля двухмесячнага перапынку віцебскі праваабаронца Леанід Сьвецік атрымаў доўгачаканы ліст ад палітвязьня Міхаіла Жамчужнага. Як і ў папярэдніх сваіх лістах, Міхаіл падрабязна расказвае пра тое, як актыўна абараняе свае правы і законныя інтарэсы ў судах, пракуратурах і органах сыстэмы МУС.