На пазачарговай сесіі Гарадоцкага раённага Савета дэпутатаў 18 студзеня было разгледжана кадравае пытанне. На пасаду старшыні Гарадоцкага райвыканкама аднагалосна была зацверджана дэпутат Палаты прадстаўнікоў Нацыянальнага сходу Рэспублікі Беларусь 43-гадовая Ірына Палякова. Многія жыхары Гарадка лічаць, што яе пераход з дэпутацтва ў старшыні, ёсць «праява эгаізму» і «здрада» інтарэсаў дзясяткаў тысяч выбаршчыкаў, дзеля асабістай кар'еры.

4 студзеня ўладальнік сялянскай фермерскай гаспадаркі «Плавь» Віктар Быкаў з невялікай вёскі Канашы быў прыцягнуты да адказнасці паводле ч.1 арт. 23.34 КаАП. Гарадоцкі раённы суд пакараў 54-гадовага фермера адміністрацыйным арыштам на 10 сутак за ўзняты на падворку бел-чырвона-белы сцяг.

Паляўнічы хацеў здабыць зайца ў Гарадоцкім раёне, а замест гэтага “упаляваў” у судзе штраф на 20 базавых ды страціў на тры гады сваю стрэльбу. Яе канфіскавалі інспэктары. Гэтак можна папаляваць хіба толькі ў Беларусі…

У рэдакцыю ВВ зьвярнулася наведвальніца сайту з паведамленьнем пра зьнішчэньне лясных абшараў ў Гарадоцкім раёне. Паводле Ірыны Афанасьевай, маштабная высечка лесу цягнецца ўжо гадоў пяць. Лесавозы руйнуюць мясцовыя дарогі, а пра тое, каб пасьля выкананых работ засадзіць лес новымі дрэвамі, ніхто ня дбае – тэрыторыя зарастае самаадвольна, як давядзецца.

Да пазбаўленьня волі на тэрмін ад двух з паловай да трох з паловай гадоў прысудзіў суд Гарадоцкага раёну чатырох кіроўных работнікаў аднаго з прадпрыемстваў за перавышэньне службовых паўнамоцтваў і падробку.

Упраўленьне спорту і турызму Віцебскага аблвыканкаму выдала буклет «Гарадоцкі раён». Буклет можна знайсьці сярод інфармацыйных бясплатных матэрыялаў у турыстычна-інфармацыйным цэнтры, які ўрачыста быў адкрыты ў Гарадку напрыканцы 2016 году.

Значная сума – 60,5 тыс. даляраў паступіць у аддзел адукацыі, спорту і турызму Гарадоцкага райвыканкаму. Гэта стала магчымым дзякуючы перамозе аддзелу ў конкурсе мясцовых ініцыятыў, накіраваных на прасоўваньне здаровага ладу жыцьця і прафіляктыку неінфекцыйных захворваньняў на мясцовым узроўні.

За 9 месяцаў бягучага году ў Гарадоцкім раёне было афіцыйна зарэгістравана 375 беспрацоўных (за такі самы леташні пэрыяд – 388). На працягу гэтага часу працу знайшлі 273 жыхары раёну. Такія дадзеныя падае служба занятасьці рэгіёну.

Нацыянальны статыстычны камітэт апублікаваў дадзеныя наконт дынамікі правапарушэньняў сярод непаўнагадовых за апошнія пяць гадоў у краіне. За 2015 год Гарадоцкі раён стаў лідэрам непаўнагадовай злачыннасьці на Віцебшчыне.

У Дубровенскім раёне на Дняпры была выяўленая загінулая рыба, праінфармавала прэс-сакратар Дзяржінспэкцыі аховы жывёльнага і расьліннага сьвету пры прэзыдэнце Вольга Грамовіч. Дзяржінспэктары Аршанскай МРІ выехалі па сыгнале, што паступіў на тэлефон даверу, і абсьледавалі ўчастак ракі ад мяжы з Расейскай Фэдэрацыяй да райцэнтру. Паводле папярэдніх ацэнак, загінулых рачных насельнікаў прынесла цячэньнем з боку Расеі.