Акадэмік, пракуроры, суддзі, гендырэктары — шмат вядомых людзей прайшлі праз «Віцьбу-3». «Свабода» расказвае пра «ўзорна-паказальную» калонію, дзе цяпер адбываюць пакаранне 140 палітвязняў. Як адбылось так, што элітная калонія для былых чыноўнікаў і сілавікоў ператвараецца ў палітычную турму?

23 траўня старшы лейтэнант унутранай службы, старшы інспектар кадравага і ідэалагічнага аддзела папраўчай калоніі №3 Аляксей Баравы быў асуджаны судом Віцебскага раёна за перавышэнне ўлады і службовых паўнамоцтваў. Паводле ч.2 арт. 426, суд прысудзіў яму тры гады пазбаўлення волі ў калоніі агульнага рэжыму і штраф памерам 300 базавых велічынь з пазбаўленнем права займаць пасады ў праваахоўных органах на працягу 5-ці гадоў. У выніку амністыі, абвешчанай да Дня народнага адзінства, тэрмін зняволення былому супрацоўніку «Віцьбы-3» зменшылі на адзін год. А цяпер яшчэ і вярнулі званне старшага лейтэнанта ўнутранай службы», бо Віцебскі абласны суд вырашыў, што пакараны пазбаўлены яго незаконна.

У Музеі Вольнай Беларусі 16 лютага прайшла прэзентацыя двух выданняў, рэалізаваных праваабарончым цэнтрам "Вясна": навуковае даследванне Таццяны Астроўскай “Культура і супраціў” і расказы Максіма Знака “Зэкамерон”. На сустрэчу прыйшло больш за 50 беларусаў Варшавы, якія змаглі атрымаць кнігі ў падарунак.

Папраўчая калонія № 3 у гарадскім пасёлку Віцьба Віцебскага раёна лічыцца самай "элітарнай" у Беларусі. Там адбываюць тэрміны высокапастаўленыя службоўцы, пракуроры, суддзі і міліцыянты. Але пасля падзей 2020 года гэтая калонія, як і астатнія, напоўнілася палітвязнямі, якіх там зараз каля сотні.

Палітзняволены старшыня Гомельскага аддзялення Праваабарончага цэнтра «Вясна» трапіў у віцебскую ПК-3 сёлета 27 студзеня. Сюды яго накіравалі адбываць тэрмін пазбаўлення волі, прысуджаны паводле арт. 342 Крымінальнага кодэкса (« Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»). Стаўленне да Леаніда Судаленкі з боку адміністрацыі віцебскай калоніі адмысловае: яго паставілі на асобны кантроль, паводле інфармацыі праваабаронцаў, да яго часта прыходзяць з пазапланавымі праверкамі, выварочваюць і пераглядаюць ягоныя рэчы.

Сябра Праваабарончага цэнтра “Вясна” даведаўся з ліста жонкі пра “статус экстрэміста”, у якім ён апынуўся з падачы чыноўнікаў беларускага Міністэрства ўнутраных спраў. Ён адбывае пакаранне ў выглядзе пазбаўлення волі на тры гады ў папраўчай калоніі №3, якая размешчана ў п. Віцьба Віцебскага раёна.

Гэта 10-е выданне праваабарончай серыі «Беларуская турэмная літаратура», запачаткаванай у 2017 годзе. І хоць Максім па прафесіі юрыст і да зняволення працаваў адвакатам, ён не цураўся вершаў, спяваў, а напісаны ў турэмных сценах празаічны твор сведчыць пра ягоны выдатны літаратурны густ і талент.

Палітзняволены, былы адвакат Максім Знак быў абвінавачаны ў спробе захопу ўлады, публічных закліках да дзеянняў, скіраваных на прычыненне шкоды нацыянальнай бяспецы, і стварэнні экстрэмісцкага фарміравання, яго асудзілі да 10-ці гадоў калоніі. Тэрмін зняволення ён адбывае ў віцебскай ПК-3(«Віцьба»). Сваякі палітвязня стварылі тэлеграм-канал «Невероятные письма. Максим Знак», дзе размяшчалі ўрыўкі з ягоных лістоў на волю. Цяпер гэты канал вымушана спыняе сваё існаванне.

Актывіста руху анархістаў, які адбывае пакаранне ў віцебскай калоніі «Віцьба-3», кінулі ў штрафны ізалятар на 10 сутак 29-га ліпеня, гэта быў якраз ягоны дзень народзінаў. У выніку ён не трапіў на запланаванае кароткатэрміновае спатканне з сястрой. Раней яго пазбавілі працяглага спаткання – так робяць з усімі палітзняволенымі ў некаторых калоніях. З першага дня ў ПК-3 яго паставілі на асаблівы ўлік як «асобу, схільную да ўцёкаў».

Жыхары Віцебску прапануюць арыгінальны спосаб падтрымкі палітзняволеных, якіх утрымліваюць у папраўчай калоніі №3. У гэтай калоніі транслююць праграмы «Радыё Віцебск», а значыцца, у кожнага ахвотнага ёсць магчымасць перадаць прывітанне або павіншаваць палітвязняў такім незвычайным чынам.