Прачытаўшы абвестку на сайце Віцебскага гарвыканкаму, трапіць на сустрэчу з кандыдатам Васілём Чэканам, які балятуецца па Віцебскай-Чыгуначнай выбарчай акрузе №19, спрабавала ягоная канкурэнтка Алена Шабуня. Аднак знайсьці кандыдата ёй не ўдалося.

Апублікавана ў Выбары

Прыхільнікі стварэньня партыі БХД напісалі скаргу ў Міністэрства аховы здароўя наконт “фармальнага і недабрасумленнага выкананьня віцебскімі ўладамі даручэньня Міністэрства аб правядзеньні сустрэчы з зацікаўленымі бакамі наконт пытаньня будаўніцтва паліклінічнага комплексу ў мікрараёне Білева, якая мелася адбыцца 30.07.2014г.”.

Апублікавана ў Дзяржава

Асноўная частка зваротаў да старшыні Камітэту дзяржаўнага кантролю Аляксандра Якабсона 16 траўня пад час простай тэлефоннай лініі ў Віцебскім гарвыканкаме была зьвязаная з прыватызацыяй, будаўніцтвам і рамонтам жытла. За дзьве гадзіны на простую лінію паступіла 16 тэлефанаваньняў. З пытаньнямі да старшыні КДК зьвярталіся ня толькі віцебчукі, але і жыхары раёнаў.

Апублікавана ў Дзяржава

Віцебскія ўлады, якія ня першы год рупяцца пра тое, каб усяляк абмежаваць магчымасьці правядзеньня якіх-кольвек масавых акцыяў праціўнікамі дзеючага палітычнага рэжыму, здаецца, памыліліся, калі вызначалі месцы, забароненыя для пікетаў з мэтай збору подпісаў выбаршчыкаў па вылучэньні кандыдатаў у дэпутаты мясцовых саветаў дэпутатаў. Акцыя апазыцыі ўсё-такі адбылася – пікет у самым цэнтры гораду! І пасьля гэтага, здаецца, чыноўнікі зрабілі аргвысновы…

Апублікавана ў Акцыі

Віцебскі гарадзкі выканаўчы камітэт адмовіўся ўнесьці ў асобныя сьпісы на атрыманьне жылога памяшканьня сацыяльнага карыстаньня інваліда другой групы праваабаронцу Валера Місьнікава. Фармальнай прычынай таму стала даведка пра месца жыхарства і склад сям’і, выдадзеная Місьнікаву разьліковым цэнтрам № 4 дзяржаўнага прадпрыемства «ЖРЭТ Першамайскага раёну».

Апублікавана ў Сацыяльныя правы

Кітайскія кампаніі гатовыя ўдзельнічаць у інвэстпраекце па стварэньні «Сіліконавай даліны» ў Віцебску. Пра гэта заявіў першы намесьнік мэра Харбіну (КНР), пастаянны член камітэту Камуністычнай партыі Кітая гораду Харбін Не Юньлінь на сустрэчы са старшынём Віцебскага гарвыканкаму Віктарам Нікалайкіным. “Мы чакаем ад вас бізнэс-пляну па праекце стварэньня «Сіліконавай даліны»”, - сказаў кіраўнік афіцыйнай дэлегацыі Харбіну, падкрэсьліўшы, што са свайго боку яны вызначыліся, што будуць займацца гэтым праектам і гатовыя супрацоўнічаць па ім зь беларускімі кампаніямі.

Апублікавана ў Правы працоўных

Службоўцы віцебскага абл- і гарвыканкамаў, абласнога і гарадзкога саветаў дэпутатаў не задаволілі просьбу старшыні партыі БНФ вобласьці Леаніда Аўтухова аб тым, каб сябры партыі маглі прысутнічаць на паседжаньнях згаданых ворганаў улады. Прычына: маўляў, няма прававых падстаў для пастаяннага ўдзелу прадстаўніка партыі БНФ у паседжаньнях.

Апублікавана ў Дзяржава

Віцебскі гарвыканкам прынёс выбачэньні жыхарам дамоў, разьмешчаных побач з плошчай Перамогі, за канцэрты, якія да глыбокай ночы ладзіліся пад іх вокнамі падчас фэстывалю «Факел». Аднак цешыцца з таго, што цяпер пасьля 23:00 тых, хто жыве паблізу самай вялікай плошчы ў Беларусі, ня будзе турбаваць шум ад гукаўзмацняльнай апаратуры, не выпадае.

Апублікавана ў Рознае

Віцебскі гарвыканкам адмовіў актывісту КХП-БНФ Яну Дзяржаўцаву ў дазволе на правядзеньне вулічнага шэсьця, прымеркаванага да 150-х угодкаў паўстаньня Кастуся Каліноўскага. Прычына забароны акцыі стандартная: адсутнасьць дамоваў, прадугледжаных рашэньнем гарвыканкаму № 881 «Аб масавых мерапрыемствах у горадзе Віцебску».

Апублікавана ў Акцыі

Актывіст Кансэрватыўна-хрысьціянскай партыі БНФ Ян Дзяржаўцаў падаў у Віцебскі гарвыканкам заяўку на правядзеньне вулічнага шэсьця 10 сакавіка. Мэта меркаванай імпрэзы: публічна адсьвяткаваць 150-годзьдзе паўстаньня супраць царскай Расеі беларускіх патрыётаў на чале з нацыянальным героем Беларусі Кастусём Каліноўскім.

Апублікавана ў Акцыі