Выканаўца абавязкаў пракурора гораду Віцебску Кірыл Дубаў прынёс пратэст на рашэнне суду Першамайскага раёну, які 19 студзеня спыніў адміністрацыйную справу ў дачыненні Таццяны Севярынец і Алены Касновай. Іх вінавацілі ва ўдзеле ў несанкцыянаваным пікетаванні ў лесе пад Віцебскам. Суддзя Вераніка Барысава скасавала тую справу праз недаказанасць віны.

У Віцебску 30 студзеня прайшоў працэс, які мусіць увайсці ў гісторыю беларускага судаводства. Суддзя Вераніка Барысава ў выязным паседжанні ў будынку Першамайскага РАУС Віцебску да поўначы разглядала справу 13 віцяблян, абвінавачаных паводле арт. 23.34 КаАП. Дзевяці чалавекам прысудзіла па 15 сутак арышту, чатыром – велізарныя штрафы.

Апублікавана ў Суд

19 студзеня суд Першамайскага раёну Віцебску вынес рашэнне ў справах Таццяны Севярынец і Алены Касновай, затрыманых разам з іншымі жанчынамі 13 студзеня ў лесе за станцыяй «Лучоса» і абвінавачаных паводле артыкулу 23.34 КаАП. Суддзя Барысава пастанавіла спыніць справу ў сувязі з недаказанасцю вінаватасці і прынесла афіцыйнае прабачэнне.

Апублікавана ў Суд

14 студзеня віцебскія суды пачалі разглядаць справы пяці жанчын, затрыманых днём раней у лесе за чыгуначнай станцыяй «Лучоса» пад Віцебскам. Яны больш за суткі знаходзіліся пад вартай, а ноч правялі ў віцебскім СІЗА. Пенсіянерка Тамара Ільіна трапіла ў лякарню.

Апублікавана ў Суд

27 лістапада прайшлі суды над актывістамі, затрыманымі падчас вечаровага маршу ў віцебскім раёне ДСК. Падчас «хапуна» 24 лістапада затрымалі 7 віцяблян, трое сутак да судоў яны правялі ў СІЗА-2. Суд Першамайскага раёну пакараў 18-гадовую Сафію Цярэнцьеву арыштам на 7 сутак. Астатнія актывісты 27 лістапада былі вызваленыя: траіх аштрафавалі, траім перанеслі разгляд на іншыя дні.

Апублікавана ў Суд

25 лістапада суд Першамайскага раёну Віцебску разгледзеў адміністрацыйную справу ў дачыненні пенсіянеркі Тамары Ільіной. Суд прызнаў 64-гадовую жанчыну вінаватай ва ўдзеле ў несанкцыянаваным пікетаванні – менавіта так міліцыя і суд расцанілі акцыю памяці Рамана Бандарэнкі каля мемарыялу «Боль» у Віцебску.

Апублікавана ў Суд

Віцябляніна Максіма Каржыцкага 20 лістапада пакаралі адміністрацыйным арыштам на 10 сутак за ўдзел у акцыях, прысвечаных памяці забітага Рамана Бандарэнкі, якія прайшлі ў Віцебску 13 і 15 лістапада. Разгляд справы адбыўся ў судзе Першамайскага раёну Віцебску. Рашэнне аб арышце мужчыны прыняла суддзя Вераніка Барысава.

Апублікавана ў Суд

17 лістапада суд Першамайскага раёну Віцебску разгледзеў справу аб адміністрацыйным правапарушэнні ў дачыненні да журналісткі-фрылансеркі Алены Шабуні. Віцяблянку абвінавацілі ў незаконным вырабе і распаўсюдзе прадукцыі СМІ (ч.2 арт.22.9 КаАП). Суддзя Вераніка Барысава прызнала Шабуню вінаватай і аштрафавала на 35 базавых велічынь.

Апублікавана ў Суд

Суд Першамайскага раёну Віцебску 5 лістапада пастанавіў пакараць вядомага віцебскага актывіста Міколу Качурца адміністрацыйным арыштам на 15 сутак за ўдзел у вулічным шэсці, якое адбылося 20 верасня. На суд Мікола Качурэц не прыйшоў. Ягоную справу разглядала суддзя Вераніка Барысава.

Апублікавана ў Суд

Суд Першамайскага раёну Віцебску 2 лістапада вынес папярэджанне 64-гадовай віцяблянцы Таццяне Зеляновай за ўдзел у мірным маршы 30 жніўня (ч.1 арт. 23.34 КаАП). Пенсіянерка назвала на судовым паседжанні выстаўленыя ў дачыненні яе абвінавачанні смеху вартымі.

Апублікавана ў Суд