12 студзеня лекар Ігар Пастноў хацеў зладзіць адзіночны пікет-рэквіем супраць міліцэйскага свавольства. Пікет мусіў адбыцца ў месцы, адмыслова адведзеным віцебскімі ўладамі пад масавыя мерапрыемствы, аднак намесьнік кіраўніка адміністрацыі Кастрычніцкага раёну Віцебску Анатоль Кандратовіч забараніў імпрэзу – лекар не заключыў дамоваў з мэдыкамі, міліцыянтамі і камунальнікамі. У выніку Ігар Пастноў зладзіў пікет за межамі гораду, у лесе.

Апублікавана ў Акцыі

Званьне “Чалавек году Віцебску” ў 2008 годзе заснавала рэдакцыя незалежнага сайту “Народныя навіны Віцебска”. Ігар Пастноў намінуецца ўжо другі год запар, і ў першы ж дзень галасаваньня ён стаў лідэрам па колькасьці галасоў. Галасаваньне на сайце пачалося ў абед 4 студзеня, і на 21:00 за Ігара Пастнова прагаласавалі 48 чалавек – гэта найбольшая колькасьць галасоў, аддадзеная за аднаго намінанта.

Апублікавана ў Рознае

Віцебскі лекар вырашыў прыцягнуць увагу землякоў да праблемы гвалтоўных дзеяньняў супрацоўнікаў міліцыі, бо выпадкі гвалту і неапраўданай жорсткасьці з боку міліцыянтаў у Беларусі пачасьціліся. І Віцебск – не выключэньне: Ігар Пастноў згадвае некалькі гэткіх выпадкаў. Заяўка пададзеная ў адміністрацыю Кастрычніцкага раёну. Дата пікету, на які Ігар Пастноў просіць дазвол, - 20 студзеня.

Апублікавана ў Мірныя сходы

Віцебскі лекар Ігар Пастноў баіцца, што яго могуць паўторна накіраваць на прымусовае лячэньне. Пра гэта ён заявіў у відэазвароце, разьмешчаным на youtube.com: «Паводле інфармацыі добразычліўцаў мне стала вядома, што спроба можа паўтарыцца. Ідзе канец году, падводзяцца вынікі дзейнасьці нашага губэрнатара і гаспадаркі вобласьці. І з прэвэнтыўнымі мэтамі, ёсьць такая інфармацыя, будзе паўтораная спроба майго зьмяшчэньня ў псыхлякарню. Магчыма, вы апошні раз бачыце мяне пры памяці і здаровым. Вось чаму, пераадолеўшы страх, я вырашыў зьвярнуцца яшчэ раз».

Апублікавана ў Карная псыхіятрыя

Віцебскія актывісты спрабавалі аспрэчыць рашэньне Кастрычніцкага райсуду, куды зьвярталіся пасьля атрыманай забароны на шэсьце і мітынг салідарнасьці зь Ігарам Пастновым. Абласны суд адхіліў скаргу, пагадзіўшыся з райсудом. Віцебскія актывісты лічаць, што іх права на мірныя сходы парушыў спачатку гарвыканкам, які вынес забарону, потым раённы суд, які прызнаў гэтую забарону законнай, а цяпер яшчэ і абласны суд.

Апублікавана ў Суд

Віцебскі лекар Ігар Пастноў, вядомы крытыкай мясцовых уладаў, паведаміў, што 26 лістапада яго выклікалі да галоўнага лекара ВАКЦ псыхіятрыі і наркалёгіі Мартынавай, дзе папярэдзілі пра тое, што ён займаецца неліцэнзійнай дзейнасьцю. Прычынай выкліку да кіраўніцтва стала зьяўленьне ў інтэрнэце інфармацыі пра тое, што лекар аказваў мэдычную дапамогу зьбітаму палітыкуСяргею Рыжову. Паколькі пасьля зьняцьця пабояў Рыжову не прызначылі лячэньня, дык яго кансультаваў і рабіў ін’екцыі Пастноў.

Апублікавана ў Рознае

Віцебскі доктар Ігар Пастноў, у нядаўнім мінулым пацыент УАЗ «Віцебскі абласны клінічны цэнтар псыхіятрыі і наркалёгіі» накіраваў зварот у Канстытуцыйны суд Рэспублікі Беларусь. Ён просіць Канстытуцыйны суд ініцыяваць праверку Закону Рэспублікі Беларусь № 349-3 «Аб аказаньні псыхіятрычнай дапамогі», у прыватнасьці , яго прэамбулы і артыкулу 40, на адпаведнасьць артыкулам 21, 40 і 62 дзеючай Канстытуцыі краіны.

Апублікавана ў Суд

У цяперашні час тэрміновая дапамога віцебскаму лекару Ігару Пастнову, які быў падвергнуты прымусоваму псыхіятрычнаму лячэньню, больш не патрэбная. «Аднак дыягназ “псыхапатычнае разладзьдзе асобы з маніяй перасьледу ўладаў” застаўся, і ён можа зноў падвергнуцца лячэньню, калі працягне гэтаксама адкрыта крытыкаваць улады», – гаворыцца ў чарговым паведамленьні арганізацыі Amnesty International («Міжнародная амністыя»).

Апублікавана ў Карная псыхіятрыя

У інтэрнэце зьявіўся новы відэавыступ віцебскага лекара, якога гвалтам накіравалі на прымусовае лекаваньне. Пасьля выхаду са шпіталю і амбуляторнага лекаваньня ўжо дома Ігар Пастноў выйшаў на працу. Ён па-ранейшаму ня згодны з псыхіятрычным дыягназам, пастаўленым віцебскімі лекарамі, і лічыць гэта помстай за свае ранейшыя крытычныя выступы. Ігар Пастноў гаворыць, што падчас псыхіятрычнага лекаваньня яму пастаянна ўкладалі думку пра тое, што ён — самотны, што яго ніхто не падтрымлівае, і што за яго няма каму заступіцца.

Апублікавана ў Карная псыхіятрыя

Віцебскі лекар, які больш за месяц знаходзіўся на прымусовым псыхіятрычным лячэньні, а потым быў выпісаны на амбуляторны рэжым, некалькі дзён таму выйшаў на працу. Адміністрацыя абласнога цэнтру псыхіятрыі і наркалёгіі перавяла яго на іншую пасаду: цяпер ён працуе не ў шпіталі, а ў псыхіятрычным дыспансэры. Праца яго задавальняе, але з дыягназам “разладзьдзе асобы” ён ня згодны.

Апублікавана ў Карная псыхіятрыя