Апошнім часам практыка ўсталяваньня ў Віцебску супярэчлівых з гістарычнага пункту гледжаньня помнікаў праяўляецца выразна. Гарадзкія ўлады адкрыта ігнаруюць меркаваньні месьцічаў і не прыслухоўваюцца да парадаў адмыслоўцаў. Горад пакрысе засьмечваецца дзіўнымі скульптурамі.

Актывіст Беларускай партыі левых «Справядлівы сьвет» і кампаніі «Наш дом» палкоўнік у адстаўцы Мікалай Петрушэнка зрабіў сэнсацыйнае прызнаньне: у часе свайго дэпутацтва ў Вярхоўным Савеце СССР ён зьбіраўся забіць Міхаіла Гарбачова. І, паводле яго словаў, меў усе магчымасьці ажыцьцявіць задуму, але ў самы апошні момант спужаўся.

На інтэрнэт-пляцоўцы Change.org зьявілася пэтыцыя з заклікам аб выратаваньні жывёлаў, якія “знаходзяцца ў віцебскім заапарку ў жудасных умовах”. Аўтары б’юць трывогу: “Такое адчуваньне, што гэтыя жывёлы нікому не патрэбныя, яны могуць загінуць!” Мы спраўдзілі, ці ўсё так насамрэч жудасна ў заапарку і хто ратуе віцебскіх малпаў, вярблюдаў ды зубра.