Праваабаронца зь Віцебску Павал Левінаў патрабаваў ад Міністэрства ўнутраных спраў (МУС) узмацніць меры бясьпекі ў месцах пазбаўленьня волі ў сувязі з распаўсюдам каронавірусу. Дэпартамэнт выкананьня пакараньняў МУС РБ паабяцаў прыняць да ведама прапановы праваабаронцы.

Ноччу 2 красавіка ў Віцебскім абласным клінічным спэцыялізаваным цэнтры памёр 70-гадовы вайсковы пэнсіянэр Уладзімер Сідараў, у якога быў станоўчы тэст на COVID-19, піша Tut.by. На 2 красавіка ў Беларусі афіцыйна паведамлялася пра 4 сьмерці інфікаваных.