Супрацоўнікі Камітэту дзяржкантролю Віцебскай вобласьці выявілі факты неабгрунтаванага зьніжэньня заробкаў мэдыкам, якія працуюць зараз з падвышанай нагрузкай. Пра недаплаты супрацоўнікам мэдычных установаў кантралёры даведаліся падчас «гарачай лініі», паведамляе афіцыйны сайт КДК РБ.

На службовых асобаў васьмі лясьніцтваў Расонскага лясгасу завялі крымінальныя справы за крадзеж, учынены групай асобаў шляхам злоўжываньня службовымі паўнамоцтвамі (ч.2 арт.210 КК). Дырэктар Расонскага лясгасу вызвалены ад займанай пасады, паведамляе “Аршанская газэта” са спасылкай на камітэт Дзяржкантролю.

Гісторыя ўсплыла пасьля праверкі аднаго зь сельскагаспадарчых прадпрыемстваў раёну. «Работнікі фінансавай міліцыі высьветлілі, што першы намесьнік старшыні Ўшацкага райвыканкаму распарадзіўся скрасьці бычка з фэрмы. Ён набыў вакцыну для ўсыпленьня жывёлы, перадаў яе службовым асобам сельгаспрадпрыемства, распрацаваў плян вывазу бычка з фэрмы і дастаўкі яго ў прыватную сялянскую фэрмэрскую гаспадарку Ўшацкага раёну», — расказвае падрабязнасьці Камітэт дзяржкантролю.

У Камітэце дзяржаўнага кантролю Віцебскай вобласьці агучылі вынікі праверкі ААТ «Полацак-гандаль», якое абслугоўвае ў Полацку 15 установаў адукацыі – амаль 8,5 тысячы чалавек.

8 лістапада з 39-гадовым дырэктарам КУП «ЖКГ г. Полацку» Андрэем Сідзюком, які таксама зьяўляецца дэпутатам Полацкага райсавету, скасавалі кантракт з дыскрэдытацыйных абставінаў. 

Параўнальны аналіз цэнаў на лекі ў Віцебску і Смаленску, а таксама ў раёнах Віцебскай вобласьці правёў Камітэт дзяржкантролю. Параўнаўшы кошты прэпаратаў 30 найменьняў,  праверка высьветліла, што ў палове выпадкаў лекі ў віцебскіх аптэках на траціну даражэйшыя, чымся ў суседнім Смаленску. Цэны на другую палову адрозьніваюцца мала.

Як паведамілі ў Камітэце дзяржкантролю Віцебскай вобласьці, усяго распачата 13 крымінальных справаў – такі вынік праверкі Аршанскага раённага спажывецкага таварыства, якая ладзілася Аршанскім міжрайкамітэтам КДК супольна зь фінансавай міліцыяй.

Жыхары Аршанскага раёну пераплацілі 193 500 рублёў за работы па сыстэматычнай дэратызацыі, дэзінфэкцыі і дэзінсэкцыі, якія насамрэч не праводзіліся.

Цяпер месца высечкі падобнае да эпіцэнтру барбарскага нашэсьця. Намесьнік начальніка ўпраўленьня Камітэту дзяржаўнага кантролю Віцебскай вобласьці Дзьмітры Давыдзенка (на фота – справа) упэўнены: тут высечана нямала добрых дрэваў.

Дэпутата Мікалая Качаноўскага прыцягнулі да дысцыплінарнай і адміністрацыйнай адказнасьці за несвоечасовы адказ на зварот выбаршчыка. Качаноўскі зьяўляецца былым дырэктарам ААТ «Полацак-Шкловалакно». Пасьля звальненьня ён працягвае выконваць абавязкі дэпутата двух саветаў: Полацкага раённага і Віцебскага абласнога.