Жыхары абласного цэнтру звярнуліся ў Вітгарвыканкам з просьбай тэрміновага адрамантаваць пешаходны мост
Віцебскія гарадскія актывісты звярнуліся да чыноўнікаў мясцовага выканкама з петыцыяй №5792, у якой паведамляюць аб тым, што «Юбілейны» мост у Віцебску праз раку Віцьба знаходзіцца ў небяспечным тэхнічным стане і патрабуюць ад уладаў у найкарацейшыя тэрміны выканаць яго капітальны рамонт. Зварот да ўладаў пакуль падпісала 19 гараджан.
Гарадскія актывісты патрабуюць ад уладаў наладзіць працу грамадскага транспарту ў Віцебску
Жыхары Віцебска выкарыстоўваючы Інтэрнэт-сэрвіс «Зручны горад» стварылі петыцыю №5553, у якой просяць гарадскія ўлады ліквідаваць праблемы, якія ўзніклі ў працы грамадскага транспарту. У цяперашні час зварот падпісала 58 жыхароў горада.
Улады Віцебска прыслухаліся да меркавання гараджанаў праз 13 гадоў
Напрыканцы 2022г., абвясціўшы грамадскае абмеркаванне праекта «Генеральны план г.Віцебска», чыноўнікі нечакана пагадзіліся з прэтэнзіямі віцяблян, што да аблічча Плошчы Перамогі. Галоўны архітэктар праекта Алена Дзяміда заявіла, што «самая вялікая плошча ў Беларусі абсалютна неарганізавана, знаходзіцца на ёй некамфортна. Хацелася б, каб аблічча плошчы змянілася. Калі там з’явіцца сквер – цудоўна». Спадарыня практычна слова ў слова паўтарыла прэтэнзіі большасці гараджанаў, якія пратэставалі супраць вынішчэння сквера на гэтай плошчы ў 2009г. і дагэтуль не даруюць уладам тое, што зялёная выспа ў цэнтры Віцебска ператварылася ў некалькі гектараў забрукаванай пустэчы.
Сям’я падлетка з Рыгі, які ўзяў інтэрвʼю ў Лукашэнкі, атрымала ў Віцебску жытло, працу і пашпарты
Сямʼі 16-гадовага Іллі Карозы ў Віцебску далі кватэру, дзяцей уладкавалі ў школу і ў дзіцячы садок, а бацькоў – на працу. Дарослыя атрымалі беларускія пашпарты, прычым працэдура атрымання беларускага грамадзянства заняла рэкордна малы тэрмін – усяго 3 тыдні. Усё гэта сталася наступствам скандалу, звязанага з інтэрв’ю падчас «Славянскага базару»: выхаванец дзіцячай акадэміі радыё і тэлебачання KidsTV Ілля Кароза ўзяў інтэрв’ю ў Аляксандра Лукашэнкі, нягледзячы на рэкамендацыі МЗС Латвіі ўстрымацца да наведвання беларускага праўладнага музычнага форуму. Пазней Дзяржслужба якасці адукацыі Латвіі паведаміла, што Academy KidsTV вядзе навучанне без законных падстаў – без акрэдытацыі ад Міністэрства адукацыі і ліцэнзіі ад Рыжскай думы, і з тае прычыны будзе зачынена.
У Рызе пачалі дэмантаваць помнік, супраць зносу якога пратэставалі віцебскія праўладныя структуры
23 жніўня распачаўся дэмантаж помніка савецкім салдатам у рыжскім парку Перамогі. Рашэнне пра знос было прынятае Думай гораду Рыгі яшчэ 13-га траўня. А праз тры дні віцебскія прадстаўнікі ЛДПБ, «Белай Русі» і БРСМ на знак пратэсту зладзілі несанкцыянаваны пікет каля консульства Латвіі. Удзельнікаў несанкцыянаваная масавай акцыі, якія паводзілі сябе агрэсіўна і заміналі руху мінакоў, віцебская міліцыя «не заўважыла»- ніхто не быў пакараны за парушэнне заканадаўства аб масавых мерапрыемствах. Насупраць, рыжская паліцыя затрымала некалькі чалавек з ліку мясцовых прыхільнікаў «русского мира», якія выйшлі пратэставаць супраць дэмантажу помніка.
Міфічная арганізацыя «Молодежь Витебска» зладзіла несанкцыянаваны пікет каля консульства Латвіі
16 траўня ў Віцебску некалькі чалавек ва ўзросце 30-35 гадоў замацавалі на плоце латышскага консульства банэр з выявай помніка савецкім салдатам, які плануюць знесці ў Рызе. Пасля запалілі знічкі на ходніках, расклалі кветкі, а таксама пачалі раздаваць кветкі мінакам, каб тыя дзейнічалі па іхным прыкладзе.
Прайшлі ператрусы ў віцебскіх валанцёраў штабу Віктара Бабарыкі
Вядома прынамсі пра тры выпадкі, калі ранкам 14 траўня супрацоўнікі МУС шукалі ў жыхароў Віцебску «экстрэмісцкія матэрыялы». Праваабаронцы паведамляюць, што ператрусы праходзілі і ў менскіх валанцёраў, якія збіралі подпісы за вылучэнне Віктара Бабарыкі ў кандыдаты на ўдзел у мінулых прэзідэнцкіх выбарах.
Жыхары Віцебску збіраюць подпісы за аднаўленне скверу на плошчы Перамогі
У інтэрнэце 10 траўня з'явілася петыцыя да мясцовых уладаў з прапановай аднавіць сквер на плошчы Перамогі, які быў знішчаны падчас так званай архітэктурнай перапланіроўкі плошчы ў 2009 годзе. Тады многіх жыхароў абурыла варварская высечка дрэваў. Але мясцовыя чыноўнікі на гэта не звярнулі ўвагу. Усе сабраныя подпісы будуць дасланыя 17 траўня ў Віцебскі гарадскі выканаўчы камітэт.
Эльвіра Мірсалімава заявіла, што віцебскі «Бессмертный полк» падтрымлівае вайну ва Украіне
9 траўня ў агульнагарадское шэсце ўключылі акцыю «Бессмертного полка», удзельнікі якога афіцыйна пазіцыянуюць сябе як ініцыятыва захавання памяці пра загінулых герояў мінулай вайны. Аднак па Віцебску калона прайшла не толькі з партрэтамі сваіх загінулых сваякоў, але з партрэтам Сталіна, стужкамі ў колерах расейскага сцяга і нашыўкамі «Z».
Адміністрацыя віцебскай «хіміі» аказвае ціск на палітвязня Дзмітрыя Абрамука
Па рашэнню адміністрацыі Віцебскай папраўчай установы адкрытага тыпу №9 палітвязня Дзмітрыя Абрамука, які адбывае трохгадовае пакаранне, паставілі на ўлік як «схільнага да самавольнага сыходу з установы». Дзмітрый Абрамук быў асуджаны ў Берасці па так званай «карагоднай справе».